看來, 你將來應該是個瘦弱的孩子, 瘦弱如野比大雄.
本來, 你是個胖寶寶, 一百個嬰兒, 只有十個比你肥. 後來,瘦了很多, 已經給七十個嬰兒趕過頭了, 幸好還算是合格. 上星期, 你竟然還學人節食.
每次開奶, 你總會吃剩一點. 開五安, 吃兩安. 如此, 我實在浪費了不少奶粉. 難道要我開一安, 你吃一安才成嗎? 更麻煩的是, 你不光是吃少了, 有時還要吃四嘔二. 一天要處理你的嘔物兩三遍, 真的是可憐天下父母心.
仔呀仔, 明明是好好看, 明明是好標準, 明明是好健康的, 你幹麼要瘦身!
試著番查資料, 我相信你是處於生理性厭奶期. 主要原因, 是八卦, 是因為其他感官(如眼)漸成熟, 從而接收到更多新奇的東西, 所以對吃奶失去興趣. 詳情可參照 : 寶寶為什麼厭奶？. 人家說厭奶期, 應該是四五個月大才出現, 你三個月大就出現, 實殺了我一個措手不及.
三月定八十, 我想, 你天生應是個充滿好奇心的寶寶.
說好了待你大一點, 帶你去跟nitika的寶寶和五師兄的jac jac踢西瓜波. jac jac的戰鬥力是未知數(看照片應該不弱吧), 但nitika的寶寶卻是個大碼B, 像技安, 甚至是魔人布歐. 而你呢? 你只擁有如大雄般的負戰鬥力.
你點夠砌呀, 仔! 食奶啦, 好冇?
(p.s. 幸好你愛思考, 當好多人還在迷思的時候, 好快便明白瘦身不過是一件蠢事. 不過一星期, 你便回復了正常的奶量了. Yeah!)
Subscribe to:
Post Comments (Atom)
14 comments:
唔緊要喎，到猛長期時咪追番d 鎊數囉。
幾時至猛長期?
通常三個禮拜 / 六個禮拜 / 三個月 / 六個月會出現一次，BB 仔會有幾日胃口特別好，要飲多d 奶.
出年時到我個仔出世, 真係要請教請教一下你的心得.
To nitika,
死火, 得番六個月一個chance咋.
To cream,
好呀, 沒問題.
又, 你是我在三一認識的忌廉嗎?
軒仔，唔好纖體呀，肥肥地先溝到女，多人鍚架。你睇下欣宜姐姐，佢一纖完體，d人就.....。所以你都係快d食多d，食多d，食多d!!!!
咁其實踢波要講技術o既. 三杉淳有心臟病一樣做到球場王子.
To靚仔哥哥,
瘦不瘦, 無關係. 今日證實了, 軒軒一個笑容, 冧咗兩個妹妹仔囉. 佢連樓下看更都冧埋, 大小通吃!
To nitika,
他們還是塞豆隆, 談技術還是早了點, 嬰兒界可是個大"洽"細, 弱肉強食的世界呢.
咁叻仔!!!
我唸係因為似媽咪多過似爸爸既關係喎
係呀係呀，我非常同意呀！！
軒爸，唔駛太擔心喎，
BB 仔食係緊要，但訓覺仲緊要呀，
訓住大架佢地 ^^
我屋企條利都一樣，三個月就學人厭奶，
明明可以一餐六安，
但一日五餐落泥，
就食得果廿安多 DD -___-""
到家陣十個月，
佢食野仍然係忽一郎，
攪到我成日好煩......
朋友都係咁樣開解我架 ^^
最緊要健健康康，就得啦，係咪？ ^^
吓, 到咁大個都要煩食奶呀! >.<
幸好昨天醫生也說他是個健康的寶寶啫.
軒仔食番野未呀？
jac jac 也有些厭奶，可能是牙癢。
又今天開始餵粥仔了。佢好鬼鍾意食！
食番lu, 有明顯增磅tim. 多謝關心!
jac jac食咗咁耐奶奶, 有新野食, 實happy啦.
Post a Comment