Thursday, August 03, 2006

睫毛長長哭一場

攪乜鬼, 乜你眼睫毛又長又攣o既, 你男仔喎架喎.
你睫毛雖美, 但這肯定不是一件美事.
就讓老爸猜猜, 這對睫毛, 會為你帶來甚麼命運吧.


幾年之後, 你會頗受姨姨們歡迎. 偶然, 會有些姨姨, 蹲在你面前, 把臉靠近, 細看著你的睫毛, 然後說:「嘩, 好靚呀, 好長好孿呀, 可唔可以俾啲我? 喂, 呀咩姨, 你過嚟睇下.」 因為她沒說準「呀咩姨」係「AB姨」定「CD姨」, 一堆ABCDEFG姨姨, 就一湧上來, 圍實晒. 有幾個後上的姨姨, 已悄悄取出眉毛鉗, 準備鉗幾條回家移植.

你實在無咩可以做, 唯有以喊求脫身啦.

嘩......

樹倒猢猻散, 軒哭姨媽閃, 遺下一堆眉毛鉗.

其實咁多姨姨圍住, 對阿爸來說, 這可能是個艷遇. 對你來說, 只會是一個童年陰影.

到你年紀漸長, 你變成了一個死靚仔. 你去旺角等人, 就在街角, 有條wet妹眼利, 見到你啲眼睫毛, 就撩你:「嘩, 好靚呀, 好長好孿呀, 可唔可以俾啲我?」咪住, 又係呢句?! 因為童年陰影的關係, 你有點慌亂, 沒有好好把握機會, 並說了心底話:「係喎, 我真係好長喎, 你要唔要試下, 順便證明, 我一啲都唔孿.」你驚訝著自己的言行, wet妹亦已一巴星過來, 並作勢call契哥.

你荒落而逃, 憤怒地思量著是誰的錯, 要找誰討債. 你去了圖書館, 翻查一本講遺傳學的書, 說長睫毛, 是顯性基因. 即是說, 孩子睫毛長, 父母之中, 肯定有一人是睫毛長.

原來, 你應該回家討債.

你回家看著看著媽媽, 發現她的睫毛既短又亂又肉酸, 應該不是你要找的人. 「對! 肯定是他!」你拿著菜刀, 氣衝衝去找爸爸, 他正甜甜的睡著. 細看細看, 竟然發現爸爸是個沒有眼睫毛怪胎.

找不到兇手, 你百思不得其解, 更氣. 氣到了盡頭, 你竟不由自主的哭起來. 其實你不認為自己會為些等事情哭, 因為你是個男孩子. 再看清楚一點, 原來哭的真的不是你, 是那對本就屬於女孩子的眼睫毛. 她多愁善感, 見你如此傷心難過, 便不禁哭了出來.

奇怪, 眼睫毛也會哭嗎? 怪不得, 眼睫毛, 有個別稱, 叫做眼"泣"毛啦.

咦, 討厭!

......

後記: 寫此blog時, 我越寫越心虛, 還是速速停筆, 快些入廁所毁屍滅跡. 我拿出姨姨們當年遺下的眉毛鉗, 直指眼眶, 鉗睫毛去也.

1 comment:

Anonymous said...

樹倒猢猻散, 軒哭姨媽閃, 遺下一堆眉毛鉗?

都幾公整 wor