又係o既, 連麥田圈係乜都唔講清楚係乜, 的確有些難度. 不過若果有留意「心慌慌 之 兇兆」, 就知軒軒頭上出現的一些圖案, 就是麥田圈了. 即是話, 軒軒脫髮呀!
好, 不說廢話了, 繼續心慌慌...
(續上回)
就在風和日麗的日子, 一家人出遊. 翳了在家好久, 這天陽光普照, 是出外走走的好時機.
出了家門, 沒走了兩步, 軒軒感到陽光有點耀眼, 瞇起眼, 睡意就來了. 半睡的軒軒, 右手有所行動, 慢慢的往後尾枕插. 軒爸盯著那隻緩緩移動的手, 可能要往頭上抓. 軒爸心道:「不!」就在手仔伸至髮尾的時候, 手突然停住了. 是呀, 這是軒軒睡眠時的小動作, 小時候已是如此(嘻, 其實小時候不過是四個月前啫). 這不是兇「手」. 麻煩, 不是自抓的.
軒爸彎下身子, 凝視著軒軒, 輕柔的道:「軒軒呀, 難得出街, 別睡了, 乖豬豬...」說著說著, 軒爸的手不由自主的往軒軒頭上掃, 柔柔的掃. 軒軒微微張開眼睛, 瞄一瞄軒爸, 嗯的一聲, 又睡了. 就在這個時候, 軒爸眼角見一黑影略過. 兇手又來作案了!
兇手伸手入背包, 要拿出兇器了. 軒爸一手抓住兇手的手, 抬頭一望. 原來是軒媽! 軒媽不肯把手伸出來, 軒爸用力拉, 終於把手連兇器拖了出來. 兇器, 是一頂帽子.
軒爸:「原來係你!」
軒媽:「我不知你在說甚麼!」
軒爸:「嬰兒脫髮, 多是因為睡眠做成的. 但軒軒脫髮的地方, 不只在後尾枕, 那不是睡覺時做成的.」
軒媽:「那又如何.」
軒爸:「脫髮的位置, 是由左面經後尾枕延至右面. 那剛好是帶帽子的位置!」
軒媽:「講到似層層咁, 好動聽哦, 但那只是你的推論罷了.」
我把帽慢慢的蓋到軒軒頭上, 與脫髮位非常吻合. 證據確鑿了!
我以兇猛的眼神, 啤著軒媽道:「你點解咁做!?」
軒媽鳴咽著說:「太陽瞪眼吖嘛. 我唔想BB眼矇矇, 睇唔到呢個世界呀!」
我聽得有點心軟. 對呀, 金田一的故事中, 兇手總有最動人的理由, 最讚人熱淚的成魔之路. 那麼, 按金田一的脈絡, 之後會發生是甚麼呢? 兇手會自殺!
當然, 這是軒媽. 她那會自殺.
她只會...發難渣!
「唓! 唔帶帽咪唔帶帽囉, 好巴閉咩!」
(完)
…
你猜到了嗎? 沒猜到?
哈, 我早說過了, 麥田圈是外星人駕駛的飛碟所壓出來的!
飛碟
麥田圈
外星人
13 comments:
這個兇手都係好心做壞事啫,
法官大人就放佢一馬啦?
睇你個blog好開心,放入my favourite先.
通常金田一d凶手都係九唔搭八,三九唔識七,硬係估佢唔到,所以先無人估姐.
軒軒脫髮都潮過人,我怕我兒脫髮脫出個M字額.
To 新鮮,
既然(竟然)有人同兇手求情, 咁判佢社會服務令二十萬小時, 湊軒軒至成年啦.
To 藍mama,
你好呀, 真開心又見到有父母Blog. 好有親切感. 我可以Link你嗎?
不用怕, 甩頭髮, 多是因為受壓. 要甩出個M字, 實在有難度. 當然, 三十歲後, 我唔包.
求之不得啦,我又可以link你嗎?
Hmmm..wahahahaaa!
我隻仔又係咁呀！個頭有個圈，同軒軒一樣呀！佢出世時M 字額，終於前額有頭髮了，後尾枕卻又多了個圈。
To 藍mama,
Sure.
To nitika,
你仔仔又有麥田圈? 你同佢帶帽乎?
Hi! I was told by my relatives that this is called 脫帽圈, which is caused by deficient of calcium. When I brought my son (who was breastfed until 6-month old) to mainland, many relatives said he did not have enough calcium and so a 脫帽圈 is formed. They guessed that the main reason was that HK babies do not have enough sunbath, as Vit D can assist the absorption of calcium.
When I went back to HK, I asked the nurse if my son has any deficiency in calcium, the nurse said "點會架, 香港的細路點會唔夠營養呀?"
This is just for your reference, and you can find further information on mainland people's view on 脫帽圈 from Google.
P.S. You son is very cute!!
Oh! 萬萬沒想到軒軒的問題不是個別例子. 看來要跟進一下了.
Sam, thank you very much!
俾sam搶先答添，have typed, just send to you lar!
Hi, 軒爸錯怪軒媽了！甩頭髮甩到好像有一個圈多數是因為缺鈣的原因，我的仔仔在幾個月的時候也有這個現象，當時我們也沒太在意，因為當時要返大陸探太爺太嫲，他們是醫生，他們一見仔仔就很大件事地說怎麼缺鈣這麼嚴重？在大陸這個現象也很普片，而在大陸他們很興打針或吃葯去補鈣，後來我返倒香港問香港D醫生，他們建議多D曬太陽，可以吸收多D維他命D,而維他命D又幫助吸收鈣。在大陸呢個現象俗稱“脫帽圈”你可以試下去google search,好多資料咖。
放心啦，軒爸，頭先剛睇完 nikita 個 post，轉頭又睇到您呢個 ^^
軒軒訓覺時個頭係咪會成日兩邊郁架？
有 D 老人家講， BB 愈早識得訓覺兩頭 fing 即代表佢夠鈣，頸骨夠力…
咁因為佢出世時果 D 頭髮，係會續 D 續 D 甩，要生過一批新既先至靚架…
咁因為佢訓覺時成日都係枕住個後尾枕，如果佢鍾意兩頭郁，就會係個頭到出現一條光光地既脫髮環，由一邊耳背去到另一邊。
如果個 BB 唔成日兩頭郁，個頭就會扁或者起角（訓屎一邊既後遺症），要父母幫手「初」返圓架喇。
放心啦，等軒軒遲 D 出返 D 新頭髮，就無樹架喇！！ ^^
哦! 我認得你兩個嘞, 你地係"域多利".
Wing & Sam, nice to meet you two.
我認, 我錯怪咗軒媽, 不過維持原判, 社會服務令二十萬小時.
nikita仔仔都有, 你仔仔又有, 看來香港也可能普遍. 攪個調查先.
瞓覺又唔覺佢兩邊郁喎.
Post a Comment