迷幻系列之二 - 迷幻紗巾

自迷幻風筒推出之後, 成為全城熱話^(註1), 今推出迷幻系列之二 - 迷幻紗巾, 以回饋讀者.

(如果你是那些認為BB喊應該由得佢, 抱得多會寵壞BB的父母, 你的閱讀結束了, 懶鬼!)

雖說兩公婆應該互相合作, 同甘共苦, 共同進退, 但那個"共同進退", 並不是每天都你一步時我一步, 除非你兩公婆玩二人三足, 玩足24小時啦. 否則, 有些時候, 你是雖要先耐著性子和BB單打獨鬥, 待老婆(或老公)出現, 才對他單單打打, 甚或單挑.

你有嘗試過這個狀況罷: 當BB剛剛肚餓, 只是ar-ar下時, 你沒察覺, 到他真的很餓, 已經是嚎哭了, 而且哭得很癲狂, 不斷搥你踢你, 當你是殺父仇人一樣. 那刻, 你會好想死左佢, 名正言順做其殺父仇人.

好, 人得一個, 咁開奶先定"暗"BB先?

實在分身乏術, 獨力難支.
但我諗, 獨力是難支, 毒氣更難支.

一於用迷幻吸毒界中最平價的迷幻術 - 揩天^(註2).

當然這是個改版, 叫揩紗巾. Tempo換成了紗巾, 殘餘的奶味代替了天拿水. 所以, 紗巾必需當口水肩使用過, 洗過, 但仍具奶味的紗巾. 將紗巾摺疊好之後, 再蓋在咀與鼻之間, 奶味迅即上腦, BB將迷醉於奶味之中, 用咀"梅"下"梅"下條巾, 並即時收聲.

好了, 施展完迷幻大法, 現在的你, 施施然開奶也冇問題了.

See, 多輕鬆!

(註1:那些熱話, 多數是話我做乜將個風筒放咁埋!)
(註2:揩天乃非常過時的吸毒方法(現在興索K嘛!), 把天拿水倒在Tempo上, 吸個飽, 但其實揩極都唔會high, 只會見頭暈. 效果不比踎低起身更頭暈. 此法經濟實惠, 天拿水五金鋪有售, 多用藍妹啤酒樽盛載, 但平過藍妹好多, Tempo更平, 又可翻用, 所以(當年)深受冇銀用的年輕人愛戴. 若吸過量, 智力將減退, 退至比軒軒更低.)