Woman in dark
昨晨, 軒媽剛睡醒, 還未洗面擦牙帶眼鏡. 朦朦朧朧的走出走廊, 見小兒子已精精靈靈, 自顧自的在玩耍. 軒媽像見了金礦般, 「仔呀仔, 命呀命」的飛撲過去, 要大把大把的把軒軒抱個滿懷. 曵曵的軒軒, 卻以一副「唓, 有乜咁大把呀!」的態度, 拒受這個擁抱. 軒軒揚起單掌, 軒媽收不及去勢, 眼睛就給軒軒手指直插, 發生篤魚蛋事件.
「呀!」
軒媽劇痛, 軒軒卻繼續做他的自顧人士. 自顧自的, 懶得理你. 經軒爸檢查後, 發現原來角膜有破損. 我的天哪, 終於輪到軒媽出事, 這次真的一門三「杰」了.
唉, 又要看醫生了, 醫生巧合地還是上次免費給軒軒看夜診的那個. 診金是他的, 走也走不掉, 世事真玄妙. 其實角膜的復完是很快的, 十二小時後, 破損的位置已復合, 但看來還是要紅腫多幾天. 怕是怕感染, 感染起來, 最嚴重的話, 可以變盲媽, 左眼永遠活在黑暗中.
Man in black
日日呼天嗆地, 天天嘔泥嘔去. 先是我腳跛, 然後是軒軒發燒肚瀉, 再來是軒媽插眼. 一連三篇傷痕文學, 真的你睇唔悶, 我都寫厭. 黑到黑到黑到冇人有, 去到難以置信的地步. 所以, 霉運雖是真的, 但再寫下去, 好像很假, 也很不健康. 不常來這裡的朋友, 還真的以為我搏同情. 所以, 未來一個月, 我決定報喜不報憂, 只寫好事, 決不再嘔泥! 就算有壞事, 也當好事寫!
老實說, 還要大家繼續留言祝福鼓勵下去, 我又祝極鼓極都咁唔長進, 我真的有點面紅囉...
後記
有這麼一個耳熟能詳的故事. 一個跛的, 一個盲的, 他們被困火場. 跛的跑不動, 盲的看不見. 二人注定要死. 要逃離困局, 看來只有合作. 盲的背著跛的走, 跛的向盲的指示方向. 終於, 他們衝出火場, 逃出生天.
對呀, 二人同心合力, 一定能闖出困境的. 當然囉, 要是盲的背著跛的, 跛的還要背著一個嬰兒, 難度就更高啦.
Subscribe to:
Post Comments (Atom)
7 comments:
好！再祝多兩野！祝闔家安康！
D老人家話,可以買d look柚葉同香茅煲水黎沖涼,去黑氣啊!!信不信由你呢!!祝好運齊來!!
見軒爸遲遲未覆,不禁替軒軒擔心,原來軒媽受傷了!
做鄰居嘅,無咩幫到,惟有講聲祝福,或者大家合力能發揮一股小宇宙呢!
祝
7個月的軒軒健健康康,繼續鬼鬼馬馬!
軒爸軒媽早日康復,趕走黑暗!
巧架喇巧架喇！！
好快就會雨過天清，
順到自己都驚！！！
好有幽默感,
有幽默感嘅人EQ都高啲,
相信這少少的挫折對你們不是什麼大問題!
通常衰到貼地﹐奇積就會發生!! 話唔埋﹐軒軒聽日會幫手洗衫煮飯掃地同自己開奶飲。
^_^
祝你地個個都早日康服。
To kelly,
我保證, 祝埋呢次唔使祝住嘞! 一定旺, 旺過旺角.
To howyan,
再黑啲, 我真係乜都信架啦.
To 藍mama,
別見怪, 這Blog的回覆通常慢. 週未尤其.
To jaycy,
鑑順, 真咪憎架?
To 新鮮人,
據說EQ高o既人, 通常比老婆烚.
To Altair,
軒軒好番啦, 軒媽好番啦.
你說的奇蹟, 並沒有發生.
唉!
Post a Comment