當中最最最黑的是, 昨天軒軒發燒了, 人生第一次生病.
第一診 : 街邊夜診
昨夜軒軒有點熱, 先給他耳探, 有點微燒, 再以肛探作實.
第一次發燒, 當然緊張, 但以為是出牙, 早知出牙可能會發燒, 也不太擔心.
但為安全計, 還是帶了他看私家普通科夜診.
夜診, 原來是沒有兒科專科的.
在診所等了很久, 就拿了私伙耳探筆探熱.
大件事, 越探越熱, 熱到39.8度.
等等等, 終輪到軒軒了, 醫生用他的耳探筆一探, 40.1度.
40.1度有多高? 我倆都不知道.
軒媽拿了張表圖一對, 就嘩的哭了出來.
40.1度, 原來是高燒!
不要免費宵夜
醫生叫我們入院, 並解釋到嬰兒發燒, 原來是很易發出來的.
原來嬰兒, 一燒到底, 是很平常的事.
之後, 我抱著軒軒, 打算付款就走.
豈料, 護士說:「醫生話唔收診金喎.」
人生第一次不想要free lunch.
你不收我的錢, 我更驚!
第二診 : 聯合急症
到了聯合醫院, 情況並未有好轉.
這次急症室的醫生, 說軒軒只發燒, 沒其他徵狀, 斷不了症.
他只給了軒軒退燒藥, 並叫我們回家觀察.
嘔綠寶
退燒藥, 顏色像「綠寶」, 是用針筒餵的.
軒軒極度抗拒, 吃了又吐, 吃了又吐.
因為之前去了醫院, 錯過了一節吃奶時間, 吃藥後急急補回幾安奶.
軒軒把奶連藥一起噴了出來.
對, 是噴, 不是平常的吐. 有一條明顯成拋物線的奶柱.
那絕對不正常, 多是消化系統受感染了!
還未定過神來, 就聽到軒軒咕咕聲的肚瀉.
我想, 兇手要現身了.
第三診 : 兒科專科
好不容易, 熬過了一晚, 等到早上, 帶軒軒看兒科專科.
今次有了更多病徵, 更好斷症了.
醫生說, 這可能是中了沙門氏菌或大腸桿菌.
沙門兄
不會吧? 沙門氏菌? 這不是好惹的東西.
如果只是沙門氏菌感染, 等排清菌就會好,
但它帶來的高燒和併發症, 實在不容忽視.
而且年紀越小, 併發症越大機會出現.
軒軒, 他還未夠七個月大呢.
沙門氏菌引發的併發症, 最惡的有兩種,
腦膜炎和敗血症.
知道嗎? 凡跟腦和血扯上關係的病, 多是難纏的傢伙.
沙門兄, 請你感染我啦, 千其唔好攪我個仔呀!
17 comments:
祝軒軒打低晒d 細菌，早日康復！
再祝黑氣快走，闔家平安！
據小弟經驗, 有小病時唔好上咁多網, 因為好容易嚇破膽的!!
犬兒入左幼兒班後成日病, 所以屋企雪櫃總有退燒藥看門口, 有燒就食d, 等d病徵出來先去看醫生.
軒軒超人打敗壞人，曳曳病菌無得搞搞震！
I was once told by a doctor that some babies tend to have high fever up to 107. My daughter had 105 before, and the doctor said it's normal and nothing to worry about.
You are lucky, the medicine given out by doctors in hk is a lot more powerful. Don't worry, it'll be over. We've all been there. =)
無樹既無樹既，家陣 D 醫生興語不驚人勢不休遮（嘩，咪比星星醫生睇到…：P）
無樹既無樹既，姨姨話事齋，發過燒就大個仔架喇！！！
嗎呢嗎呢 home，唸個咒語趕走 D 病菌！！
嗎呢嗎呢 home！！
軒軒同軒爸都要早日康復呀，好番就可以一齊去街街啦:)
祝兩仔爺都早日康復! :)
今日好d未呀??見到佢個樣好辛苦咁,好心痛啊,實担心死你同軒媽喇!!希望佢好叻仔咁快d好番啦!!
細佬, 唔使怕, 我地姓莫既一出世就註定要經歷腦(老)膜(莫)炎, 你大佬我細時連肺炎都試過啦, 家下咪又係大隻纍纍, 冇咩大不了既!
(我係咪好識得安慰人呢?)
現在咩情況呢？
Jac jac 也病了兩星期，也是第一次發燒，第一次吃藥，第一次嘔藥……同樣 experience！
我餵 Jac Jac 食藥，要將藥水溝進果汁內讓他喝下，否則一定嘔。你也可試試這方法。
O...Do hin hin ok? although it may be late (network too slow), but truely wish him can recover quickly.
Hin Ma, no need to worry too serious ar, my grandmother said me has fever usually when i below 1 years-old.
Both of you no need to be too worry, he will soon be vivid again.^^
By the way,五師兄,hello, nice to meet you here! i just suggest you not let the drug be mix with juice for the baby, especially the acidic fruit juice.......the baby may be danger from the drug chemical modification....... may be 葡萄糖水will be better.
To All,
小兒現在好多了, 不用擔心. 多謝大家關心, 這麼遲才回覆大家, 真的不好意思. 週末, 實在不是放假的日子, 比平日更忙.
To Sam,
厲害厲害, 一係唔留言, 一留言就中俾你KO. 互聯網, 實在讓一知半解的父母更加一知半解.
這絕對是本年度最佳留言.
To Altair,
香港醫生落藥是強, 但我最擔心是太重手反而影響免疫系統發展.
To 五師兄,
同病相連呀...... 多謝你的秘技, 不過你的方法最遲下先可以試囉, 因為軒軒還未肯喝果汁. 對他來說, 餵果汁比餵藥更難! 另外, 我想Kenneth的說法也值得跟進一下.
謝謝 Kenneth 的提點。Jac Jac 已沒在吃葯，不過相信總有下次。到時都會注意一下。
每次病完後免疫能力因而提升，只要不要太頻太重，樂觀D睇應該當「小病是福」！
軒軒好番未呢？
軒爸你唔好咁担心，因為你一担心，軒媽就會受你影響，所以你要撐住呀。
看完大家的留言, 我得要說說話.
首先就是小兒有病,不要盡信網上的診斷(上次打針果次已經proof 左不能盡信), 併發症不是一下子發出來, 只要在BB 發燒時注意體溫和其他症狀就無問題, 深夜不要看普通門診, 因為他們通常不會有baby safe 的藥, 看病要看醫院急診, 軒軒食的退燒藥是所有兒科醫生會開的而且是安全的. 我個B 打DPT 發燒時都食過一劑, 我食過d 藥, 好甜架.
另外, 我記得睇書睇過唔好將藥混落d 奶同果汁度, 唔係因為怕化學反應, 而係因為怕BB 食唔晒枝奶或枝果汁, 就會食唔到足夠的份量. 用咩送藥都無問題, 至怕食唔足份量發揮唔到作用.
最後就是香港西醫開藥重手, 正確來說, 是西醫見大人傷風感冒就開抗生素，而家比人柄得多都少好多,亦沒有證據證明抗生素會令免疫系統有影響,反而係d 細菌勁左就真.
仲有就係, 我地d B 全部都below 1 yo, 未飲得橙汁, 只係飲得蘋果或梨汁, 而蘋果或梨汁的果酸成份不多, 加上所有藥物經過多重品質檢定, 如果用果汁送藥引起不良反應咁間藥廠唔比人告到甩肺就奇.
仲仲仲有, 唔關事都講埋, 以前小兒發燒d 人會教用酒精抹身降溫, 但有不少個案是BB 聞左酒精後昏迷或是因為短時間降溫引致抽搐, 呢個方法在網上都幾流行, 但要冒d 咁o既risk 先有d 少少benefit, 咪制呀.
To Alice,
軒軒已經復完了, 多謝關心.
至於軒媽, 哈, 她還嫌我不夠緊張呢.
To All,
概然nikita說了, 我又得補充一下.
起沙門氏菌的底, 是希望知道worst case是甚麼, 清楚有甚麼併發症. 除了留意肚瀉相關的病徵, 我認為併發症的病徵也要留意, 有些病徵是不明顯的. 例如囪門(腦筍)下陷是脫水的徵狀, 脫水的話, 出現併發症的幾會提高(當然, 脫水還有其他病徵). 例如囪門凸出, 那就是腦膜炎的病徵了. 盡早發現病徵, 可盡早求醫, 減底並對身體的損害.
我認為就算上網給資料嚇死也沒所謂, 只要能減少小兒的風險就可以了. 至於如何選取網上的資訊, 我會再Blog一下.
Post a Comment